# TradeSync

> အရောင်း၊ ပစ္စည်းလက်ကျန်၊ အကြွေးစာရင်းနဲ့ ညနေ ငွေရှင်းတာအထိ လက်ရှိဖုန်းကနေ မြန်မာလို လုပ်လို့ရပါတယ်။ ပထမ တစ်လ အခမဲ့။ KBZPay၊ WavePay၊ AYA Pay နဲ့ ပေးလို့ရပါတယ်။

## စာအုပ်နဲ့ ဂဏန်းပေါင်းစက်ကို အနားပေးလိုက်ပါ။

TradeSync က ဆိုင်ရဲ့ အရောင်း၊ ပစ္စည်းလက်ကျန်နဲ့ ဘယ်သူ ဘယ်လောက် အကြွေးကျန်လဲဆိုတာကို မှတ်ထားပေးပါတယ်။ ညနေ ဆိုင်ပိတ်ချိန်မှာ အံဆွဲထဲက ငွေ ကိုက်မကိုက်လည်း ပြောပြပါတယ်။ လက်ရှိ သုံးနေတဲ့ ဖုန်းနဲ့ပဲ မြန်မာလို ဒါမှမဟုတ် English လို သုံးလို့ရပါတယ်။

- [တစ်လ အခမဲ့ စမ်းသုံးမယ်](https://tradesync.shop/signup)
- ကတ် မလိုပါ။ ဖုန်းနံပါတ်နဲ့ စာရင်းသွင်းရုံပါပဲ။

ဆိုင်အမျိုးအစား ရွေးလိုက်တာနဲ့ လိုတာတွေ အလိုလို ဖွင့်ပေးပါတယ်။ အထည်ဆိုင်ဆို ဆိုဒ်နဲ့ အရောင်၊ ဖုန်းဆိုင်ဆို IMEI၊ ဆေးဆိုင်ဆို သက်တမ်းကုန်ရက်။

- ကုန်စုံဆိုင်
- ဆေးဆိုင်
- ဖုန်းဆိုင်
- အထည်ဆိုင်
- အလှကုန်
- ဆောက်လုပ်ရေးပစ္စည်း
- လက်ကား
- အထွေထွေ

## ဘာလို့ ရေးဖြစ်လဲ

> ကိုယ့်ဆိုင်အတွက် အရင် ရေးခဲ့တာပါ။ ည ကိုးနာရီ ရောက်တိုင်း စာအုပ်ထဲက စာရင်းက ဘယ်တော့မှ အတိအကျ မကိုက်လို့ပါ။

ကျွန်တော်တို့က မြန်မာ အဖွဲ့လေး တစ်ဖွဲ့ပါ။ ကိုယ်တိုင်လည်း အထည်ဆိုင် ဖွင့်ထားပါတယ်။ ညနေတိုင်း အံဆွဲထဲက ငွေကို ရေ၊ စာအုပ်နဲ့ တိုက်စစ်၊ တစ်ကျပ်မလွဲ ကိုက်တာ ရှားပါတယ်။ ဒါကြောင့် ကိုယ့်ကောင်တာမှာ ကိုယ်လိုချင်တဲ့ app ကို ကိုယ်တိုင် ရေးခဲ့တာပါ။ အခု ကျွန်တော်တို့ ဆိုင်တွေမှာ နေ့တိုင်း သုံးနေပါပြီ။

မျက်နှာပြင်တိုင်း မြန်မာလို ရပါတယ်။ တစ်ယောက်ချင်း ကိုယ်ကြိုက်တဲ့ ဘာသာ ရွေးလို့ရလို့ ဆိုင်ရှင်က English နဲ့ ကြည့်ပြီး ငွေကိုင်က မြန်မာလို သုံးလို့ရပါတယ်။

## ဆိုင်တံခါး ဖွင့်တာကနေ ငွေရှင်းတာအထိ

TradeSync နဲ့ ပုံမှန် တစ်ရက်ပါ။ ပုံတွေက app ထဲက တကယ့် မျက်နှာပြင်တွေပါ။

### ၁. ဆိုင်ဖွင့်၊ အကြွေငွေ မှတ် (မနက် ၈:၀၀)

အဆိုင်း ဖွင့်ပြီး အမ်းငွေအတွက် အံဆွဲထဲ ထည့်ထားတဲ့ ငွေကို ရိုက်ထည့်ပါ။ ညနေ ငွေရှင်းတဲ့အခါ ဒီကနေ စတွက်ပါတယ်။

### ၂. ရောင်း (နေ့လယ် ၁၂:၃၀)

ပစ္စည်းကို နှိပ်ရွေးပါ၊ ဒါမှမဟုတ် barcode scanner နဲ့ ဖတ်ပါ။ ငွေသား၊ KBZPay၊ WavePay၊ AYA Pay ဒါမှမဟုတ် ဘဏ်လွှဲနဲ့ ပေးချေပြီး ဘောက်ချာ ထုတ်ပါ။ ပစ္စည်းလက်ကျန် အလိုလို လျော့သွားပါတယ်။

လိုင်းကျသွားလို့ Confirm ကို ထပ်နှိပ်ရင်လည်း အရောင်း နှစ်ခါ မဝင်ပါဘူး။

### ၃. အကြွေး၊ စာအုပ် မလိုတော့ဘူး (ညနေ ၄:၀၀)

ပုံမှန်ဖောက်သည် အကြွေးယူရင် သူ့နာမည်နဲ့ မှတ်ထားပါတယ်။ တစ်ယောက်ချင်း အကြွေး ကန့်သတ်ငွေ သတ်မှတ်ထားလို့ရပါတယ်။ တစ်ဝက်ပဲ ပေးသွားရင် ကျန်တာကို မှတ်ထားပေးပြီး ပြန်လာဆပ်တဲ့အခါ ချက်ချင်း လျော့သွားပါတယ်။

ဘယ်သူ အကြာဆုံး အကြွေးတင်နေလဲ တစ်ချက်ကြည့်ရုံနဲ့ သိပါတယ်။

### ၄. ဆိုင်ပိတ်၊ ငွေရှင်း (ည ၉:၀၀)

အံဆွဲထဲက ငွေကို ရေပြီး ရိုက်ထည့်လိုက်ရုံပါပဲ။ ဘယ်လောက် ရှိသင့်လဲ TradeSync က တွက်ပေးပြီး ပိုလား လိုလား ပြပေးပါတယ်။ KBZPay၊ WavePay နဲ့ ရတဲ့ငွေက အံဆွဲထဲ မရောက်လို့ သီးသန့် ပြပါတယ်။ တစ်နေ့တာ စာရင်းချုပ်ကို print ထုတ်ထားလို့ ရပါတယ်။

## နောက်လကျရင် လိုလာမယ့် အရာတွေလည်း ပါပြီးသား

- **ဝန်ထမ်း login**: တစ်ယောက်ချင်း ကိုယ်ပိုင် login ရှိပါတယ်။ ဘယ်သူ ဘာကြည့်ခွင့်၊ ဘာလုပ်ခွင့်ရှိလဲ ဆိုင်ရှင်က သတ်မှတ်ပါတယ်။
- **အစီရင်ခံစာ**: နေ့စဉ် အရောင်းနဲ့ အမြတ်၊ အရောင်းရဆုံး ပစ္စည်း၊ အရှုံးအမြတ်၊ ဘာပြန်မှာသင့်လဲ။ Excel နဲ့ ဒေါင်းလို့ရပါတယ်။
- **ကုန်သွင်းသူနဲ့ အော်ဒါ**: ကုန်မှာပါ၊ ပစ္စည်းရောက်ရင် လက်ကျန်ထဲ ထည့်ပါ၊ ပေးစရာ ကျန်သေးတာကို ကြည့်ပါ။
- **အသုံးစရိတ်**: ဆိုင်ခ၊ မီးခ၊ လစာ။ လစဉ် ကုန်တာကို တစ်ခါ ထည့်ထားရင် လတိုင်း ထပ်ထည့်ပေးပါတယ်။
- **ဆိုဒ်နဲ့ အရောင်**: ရှပ်အင်္ကျီ တစ်မျိုးကို ဆိုဒ် ငါးမျိုး၊ အရောင် သုံးမျိုး၊ တစ်ခုချင်း လက်ကျန်နဲ့။
- **IMEI နဲ့ အာမခံ**: ဖုန်းဆိုင်တွေအတွက်။ IMEI တစ်လုံးချင်း မှတ်ပြီး ဘောက်ချာမှာ အာမခံ ပါပါတယ်။
- **သက်တမ်းကုန်ရက်**: ဆေးဆိုင်နဲ့ ကုန်စုံဆိုင်တွေအတွက်။
- **လက်ကားဈေး**: လက်ကားဝယ်သူအတွက် သီးသန့်ဈေး။ ဖောက်သည်ကို ရွေးလိုက်တာနဲ့ အလိုလို ပြောင်းပေးပါတယ်။
- **ပစ္စည်းပြန်လဲ၊ ငွေပြန်အမ်း**: ဘောက်ချာ နံပါတ်နဲ့ ရှာပြီး ပြန်လက်ခံပါ။ လက်ကျန်နဲ့ ငွေစာရင်း မှန်အောင် ပြင်ပေးပါတယ်။
- **ပစ္စည်း ကုန်ခါနီး သတိပေးချက်**: တစ်ခုခု ကုန်ခါနီးရင် email ပို့ပေးပါတယ်။
- **ပစ္စည်းစာရင်း သွင်းရန်**: Excel (CSV) ကနေ တစ်ခါတည်း ပစ္စည်း ၅,၀၀၀ အထိ သွင်းလို့ရပါတယ်။
- **ဖုန်း home screen မှာ**: Home screen မှာ ထည့်ထားရင် app တစ်ခုလို ဖွင့်လို့ရပါတယ်။
- **ဒေတာက သင့်ပိုင်**: စာရင်းအားလုံးကို spreadsheet အနေနဲ့ အချိန်မရွေး ဒေါင်းလို့ရပါတယ်။
- **နှစ်ဆင့် ဝင်ရောက်ခြင်း**: Password အပြင် ဖုန်းထဲက ကုဒ်နဲ့ပါ ဝင်ရပါတယ်။
- **မြန်မာ ဒါမှမဟုတ် English**: တစ်ယောက်ချင်း ကိုယ်ကြိုက်တဲ့ ဘာသာ ရွေးလို့ရပါတယ်။
- **ဆိုင်ခွဲနဲ့ ဂိုဒေါင်**: ဆိုင် တစ်ဆိုင်ထက် ပိုရှိရင် ဆိုင်တွေကြား ပစ္စည်း ရွှေ့လို့ရပါတယ်။

## ဆိုင်တစ်ဆိုင်ကို ဈေး တစ်မျိုးတည်း။ ပထမ တစ်လ အခမဲ့။

ကတ် မလို၊ စာချုပ် မလို။ ကိုယ့်ဆိုင်မှာ တကယ် တစ်လ သုံးကြည့်ပြီးမှ ဆုံးဖြတ်ပါ။

| ဈေးနှုန်းစာရင်း | |
|---|---|
| ပထမ တစ်လ | အခမဲ့ |
| ဆိုင်တစ်ဆိုင်၊ တစ်လ | ၃၀,၀၀၀ ကျပ် |
| တစ်နှစ်စာ ပေးရင် | ၃၀၀,၀၀၀ ကျပ် (၂ လစာ အခမဲ့) |
| ဝန်ထမ်း | အကန့်အသတ် မရှိ |
| ပစ္စည်း | အကန့်အသတ် မရှိ |
| စတင်ဖို့ အကူအညီ | အခမဲ့ |

1. **စာရင်းသွင်းပြီး ရက် ၃၀ ရက် အခမဲ့ သုံးပါ**: စမ်းသုံးချိန်မှာ အကုန်လုံး သုံးလို့ရပါတယ်။ ကတ် မလိုပါ။
2. **မကုန်ခင် သတိပေးပါမယ်**: ကုန်ဖို့ ခုနစ်ရက် အလိုမှာ app ထဲမှာ ပြပေးပါတယ်။
3. **အမြဲ ပေးနေကျ နည်းနဲ့ ပေးပါ**: KBZPay၊ WavePay၊ AYA Pay ဒါမှမဟုတ် ဘဏ်လွှဲ။ ငွေလွှဲ slip ကို Viber နဲ့ ပို့လိုက်ရင် အဲဒီနေ့ချင်း ပြန်ဖွင့်ပေးပါတယ်။
4. **မဆက်သုံးတော့လည်း ဘာမှ မပျောက်ပါဘူး**: စမ်းသုံးချိန် ကုန်ရင် ဘာမှ မဖျက်ပါဘူး။ ဝင်ကြည့်တာ၊ ဒေါင်းတာ လုပ်လို့ရနေပါသေးတယ်။

## ဆိုင်ရှင်တွေ မေးလေ့ရှိတဲ့ မေးခွန်းတွေ

### စမ်းသုံးဖို့ ကတ် လိုလား။

မလိုပါ။ ဖုန်းနံပါတ်နဲ့ password နဲ့ စာရင်းသွင်းရုံပါပဲ။ ပထမ တစ်လ ဘာမှ ပေးစရာ မလိုပါ။

### သုံးဖို့ ဘာတွေ လိုလဲ။

Browser ပါတဲ့ ဖုန်း၊ tablet ဒါမှမဟုတ် ကွန်ပျူတာ ဘာမဆို ရပါတယ်။ Android၊ iPhone၊ iPad၊ Windows၊ Mac။ Play Store ကနေ install လုပ်စရာ မလိုပါ။ Home screen မှာ ထည့်ထားရင် app လို ဖွင့်လို့ရပါတယ်။

### အင်တာနက် မရှိရင် သုံးလို့ရလား။

အင်တာနက် လိုပါတယ်။ ဒါပေမဲ့ ဖုန်း data နဲ့ လုံလောက်ပါတယ်၊ အရောင်း တစ်ခုကို data နည်းနည်းလေးပဲ သုံးပါတယ်။ ရောင်းနေတုန်း လိုင်းကျလို့ ထပ်နှိပ်ရင်လည်း နှစ်ခါ မဝင်ပါဘူး။ အင်တာနက် လုံးဝ မရှိဘဲ ရောင်းလို့ရအောင် လုပ်နေဆဲပါ။

### ဘောက်ချာ print ထုတ်လို့ရလား။ Barcode ဖတ်လို့ရလား။

ရပါတယ်။ ဖုန်း ဒါမှမဟုတ် ကွန်ပျူတာကနေ print ထုတ်လို့ရတဲ့ 58mm၊ 80mm ဘောက်ချာစက်တွေနဲ့ ထုတ်လို့ရပါတယ်။ စက် မဝယ်ခင် model ကို ပို့ပြပါ၊ ရမရ ပြောပြပါမယ်။ Keyboard လို ချိတ်တဲ့ barcode scanner (ကြိုး ဒါမှမဟုတ် Bluetooth) တွေလည်း သုံးလို့ရပါတယ်။ ဖုန်းကင်မရာနဲ့ ဖတ်တာကတော့ မရသေးပါဘူး။

### ဝန်ထမ်းတွေ သူတို့ဖုန်းနဲ့ သုံးလို့ရလား။

ရပါတယ်။ တစ်ယောက်ချင်း login ရပြီး ဘာကြည့်ခွင့်ရှိလဲ သင်က သတ်မှတ်ပါတယ်။ ဝန်ထမ်း ထပ်ထည့်တာ ပိုက်ဆံ ထပ်မကုန်ပါဘူး။

### ဆိုင် နှစ်ဆိုင် ရှိရင်ရော။

ဆိုင်တစ်ဆိုင်ချင်း သီးသန့် ပေးရပါတယ်။ ပြောလိုက်ရင် ဒုတိယဆိုင်ကို သင့်အကောင့်ထဲ ထည့်ပေးပါမယ်။ Login တစ်ခုတည်းနဲ့ နှစ်ဆိုင်လုံး ကြည့်လို့ရပါတယ်။

### ဒေတာ လုံခြုံလား။

ဆိုင်တစ်ဆိုင်ရဲ့ စာရင်းကို တခြားဆိုင် မမြင်ရပါဘူး၊ သင်ထည့်ထားတဲ့ လူတွေပဲ မြင်ရပါတယ်။ Password တွေကို ဘယ်သူမှ ပြန်ဖတ်လို့ မရအောင် ပြောင်းသိမ်းထားပြီး နှစ်ဆင့် ဝင်ရောက်ခြင်းကိုလည်း ဖွင့်ထားလို့ရပါတယ်။ ညတိုင်း backup ကူးထားပါတယ်။

### ဆက်မသုံးချင်တော့ရင်ရော။

Settings ကနေ ပစ္စည်း၊ အရောင်း၊ ဖောက်သည်၊ လက်ကျန်မှတ်တမ်း အားလုံးကို spreadsheet အနေနဲ့ အချိန်မရွေး ဒေါင်းလို့ရပါတယ်။ သင့်ဒေတာ သင်ပိုင်ပါတယ်။

### အခမဲ့ တစ်လ ကုန်ရင် ဘာဖြစ်မလဲ။

တစ်ပတ် အလိုမှာ သတိပေးပါမယ်။ မပေးရသေးရင် ဆိုင်က ကြည့်လို့ပဲရတဲ့ အခြေအနေ ဖြစ်သွားပါမယ်။ စာရင်းတွေ ကြည့်တာ၊ ဒေါင်းတာ ရပေမဲ့ ရောင်းလို့ မရတော့ပါဘူး။ ပေးလိုက်တာနဲ့ အဲဒီနေ့ချင်း ပြန်ဖွင့်ပေးပါတယ်။

### စတင်ဖို့ ကူညီပေးမလား။

ကူညီပေးပါတယ်။ ပစ္စည်းစာရင်းကို Excel နဲ့ ပို့ပေးရင် သွင်းဖို့ ကူညီပေးပါမယ်။ Viber ကနေ အချိန်မရွေး မေးလို့ရပါတယ်။

## သင့်ဆိုင်မှာ တစ်လ စမ်းကြည့်ပါ။

ညနေခင်းတွေ ပိုမလွယ်လာရင် ဘာမှ ဆုံးရှုံးစရာ မရှိပါဘူး။

- [တစ်လ အခမဲ့ စမ်းသုံးမယ်](https://tradesync.shop/signup)
- Viber: 09 969 676 781
- Viber: 09 976 363 555
- Email: info@tradesync.shop

© ၂၀၂၆ TradeSync · နောက်ဆုံး ပြင်ဆင်ချိန် 2026-09-30